Kulturfestival med digital historieforteljing, dans og eventyr

Det er 24. gong Norsk forbund for utviklingshemma (NFU) i Sogn og Fjordane og fylkeskommunen arrangerer kulturfestival. Åstaden er Rica Sunnfjord Hotell, og målet er å fylle hotellet med gode kulturopplevingar, latter, glede og humor. Fylkesordførar Åshild Kjelsnes opnar festivalen.

Nye kurs av året er photostory og kort og godt. I førstnemnde lærer ein å lage digitale historier med foto og forteljing. Kort og godt går ut på å lage kort med scrap-booking-teknikkar. Det vert også kurs i blant anna måling, dans, eventyr og enkelt samspel. Kursa går over heile helga, og festivalen vert avslutta med konsert søndag.

Fredag kveld er det konsert med Steinar Engelbrektson, og laurdag er det festmiddag og dans. Aldersgrensa for å delta på festivalen er 16 år. Fristen for å melde seg på er 20. mars.

Brosjyre og påmelding

For meir informasjon, ta kontakt med
Bente Underthun
studieleiar, NFU Sogn og Fjordane
tlf. 977 16 912